நெல்லையப்பர் கோவில் தேரோட்டத்தை காண வருகை தரும் பக்தர்களே வருக வருக : பாஜக J.V மாரியப்பன் வரவேற்பு

நெல்லையப்பர் கோவில் தேரோட்டம்: பக்தர்களை வரவேற்கும் தமிழர் இலக்கியம் மற்றும் தமிழர் நலப்பிரிவு நெல்லை வடக்கு மாவட்டத் தலைவர் J.V. மாரியப்பன்!

திருநெல்வேலி அருள்மிகு நெல்லையப்பர் - காந்திமதி அம்பாள் திருக்கோயிலின் ஆனிப் பெருந்திருவிழாவின் சிகர நிகழ்ச்சியான ஆனித் தேரோட்டம் இன்று விமரிசையாக நடைபெறுகிறது.

இந்த ஆன்மீகத் திருநாளில், தமிழர் இலக்கியம் மற்றும் தமிழர் நலப்பிரிவு நெல்லை வடக்கு மாவட்டத் தலைவர் J.V. மாரியப்பன் அவர்கள், திருநெல்வேலி மாநகருக்கு வருகை தந்துள்ள அனைத்து பக்தர்களுக்கும் தனது அன்பார்ந்த வரவேற்பையும், வாழ்த்துகளையும் தெரிவித்துள்ளார்.

இது குறித்து J.V. மாரியப்பன் விடுத்துள்ள செய்திக்குறிப்பில்:

"நெல்லை மாநகரின் ஆன்மீகச் செழுமையையும், நம் மண்ணின் தொன்மையான பண்பாட்டுப் பெருமையையும் உலகிற்குப் பறைசாற்றும் நெல்லையப்பர் கோவில் ஆனித் தேரோட்ட விழாவைக் காண வருகை தந்துள்ள தமிழகத்தின் அனைத்துப் பகுதி பக்தர்களையும் அன்புடன் வரவேற்கிறேன். தமிழர்களின் வாழ்வியலோடு கலந்த இந்தத் தேரோட்டத் திருநாளில், சுவாமி நெல்லையப்பரின் அருள் அனைவருக்கும் கிடைக்கப் பிரார்த்திக்கிறேன்," என்று குறிப்பிட்டுள்ளார்.

மேலும் அவர், "லட்சக்கணக்கான பக்தர்கள் கூடும் இந்தத் தருணத்தில், கோவில் நிர்வாகம் மற்றும் காவல் துறை மேற்கொண்டுள்ள பாதுகாப்பு நடவடிக்கைகளுக்குப் பக்தர்கள் அனைவரும் முழு ஒத்துழைப்பு நல்க வேண்டும். நம் கலாச்சாரத்தைப் போற்றும் இந்த விழாவில், அனைவரும் அமைதியாகவும் மகிழ்ச்சியோடும் பங்கேற்று சுவாமியின் அருளைப் பெற்றுச் செல்ல வேண்டும்," என்று கேட்டுக்கொண்டுள்ளார்.