மதுரை வரும் பாரதப் பிரதமர் மோடிக்கு உற்சாக வரவேற்பு: நெல்லை வடக்கு மாவட்ட பாஜக சமூக ஊடகப் பிரிவுத் தலைவர் ஜெய்சங்கர் அறிக்கை
திருநெல்வேலி:
தமிழகத்தின் ஆன்மீகப் பெருமை மிகு மதுரை மாநகருக்கு இன்று வருகை தரும் பாரதப் பிரதமர் நரேந்திர மோடி அவர்களுக்கு, நெல்லை வடக்கு மாவட்ட பாரதிய ஜனதா கட்சியின் சமூக ஊடகப் பிரிவு சார்பில் சிறப்பான வரவேற்பு அளிக்கப்படுவதாக அதன் தலைவர் ஜெய்சங்கர் தெரிவித்துள்ளார்.
இது குறித்து அவர் வெளியிட்டுள்ள அறிக்கையில் கூறியிருப்பதாவது:
"நமது பாரத தேசத்தை உலக அரங்கில் வல்லரசாக உயர்த்தி, நாட்டின் வளர்ச்சிக்காகத் தொடர்ந்து பாடுபட்டு வரும் மாண்புமிகு பாரதப் பிரதமர் நரேந்திர மோடி அவர்கள் இன்று மதுரை மண்ணிற்கு வருகை தருவது ஒட்டுமொத்த தமிழக மக்களுக்கும், குறிப்பாக தென் தமிழக மக்களுக்கும் மட்டற்ற மகிழ்ச்சியை அளிக்கிறது.
டிஜிட்டல் இந்தியா மற்றும் பல்வேறு நவீன திட்டங்கள் மூலம் இளைஞர்களுக்கும், சாமானிய மக்களுக்கும் புதிய வாய்ப்புகளை உருவாக்கித் தந்த நமது பிரதமரின் இந்த வருகை, தமிழகத்தின் வளர்ச்சிப் பாதையில் ஒரு முக்கிய மைல்கல்லாகும். ஆன்மீகமும் பண்பாடும் நிறைந்த மதுரை மாநகரம், தேசத்தின் தலைவரை 'வாரீர்... வாரீர்...' என அன்புடன் வரவேற்கக் காத்திருக்கிறது.
நெல்லை வடக்கு மாவட்ட பாஜக சமூக ஊடகப் பிரிவு சார்பில், பிரதமரின் இந்த வருகையை நாங்கள் மிகுந்த உற்சாகத்துடன் வரவேற்கிறோம்," என்று அந்த அறிக்கையில் ஜெய்சங்கர் குறிப்பிட்டுள்ளார்.
2026 இல் அரசியல் மாற்றம் :
பாரத பிரதமர் நரேந்திர மோடி இந்த வருகை கூடிய 2026 சட்டமன்றத் தேர்தலில் தமிழகத்தில் பாஜகவின் துறை ஆட்சிகள் அமைவதற்கு மிகப்பெரிய உந்துதலாக இருக்கும்.
மேலும் தேர்தல் பிரச்சாரங்கள் சூடு பிடித்திருக்கும் நிலையில் தமிழகத்தில் பாரதிய ஜனதா கட்சியின் கூட்டணி ஆட்சி அமைப்பதற்கு தமிழக மக்கள் அனைவரும் ஒன்றிணைந்து பாரத பிரதமர் நரேந்திர மோடியின் கரங்களை வலுப்படுத்த வேண்டும் எனவும் கேட்டுக்கொண்டுள்ளார்.
****