நாடு முழுவதும் மோடி பொங்கலை பொதுமக்கள் உற்சாகமாக கொண்டாடி மகிழுங்கள் என பாஜக நிர்வாகி ஜெய்சங்கர் தனது வாழ்த்து செய்தியில் தெரிவித்துள்ளார்

தமிழகமெங்கும் 'மோடி பொங்கல்' – பொதுமக்கள் உற்சாகமாகக் கொண்டாட நெல்லை வடக்கு மாவட்ட பாஜக சமூக ஊடகப்பிரிவு தலைவர் ஜெய்சங்கர் அழைப்பு

தமிழர் திருநாளாம் தைப்பொங்கல் பண்டிகையை முன்னிட்டு, பாரதப் பிரதமர் நரேந்திர மோடியின் சாதனைத் திட்டங்களை மக்கள் போற்றும் வகையில் 'மோடி பொங்கலாக' எழுச்சியுடன் கொண்டாட வேண்டும் என திருநெல்வேலி வடக்கு மாவட்ட பாரதிய ஜனதா கட்சியின் சமூக ஊடகப்பிரிவு தலைவர் ஜெய்சங்கர் தனது பொங்கல் வாழ்த்து செய்தியில் கேட்டுக் கொண்டுள்ளார்.

இது குறித்து அவர் வெளியிட்டுள்ள விரிவான அறிக்கையில் குறிப்பிட்டிருப்பதாவது:

தமிழர் பண்பாட்டைப் போற்றும் பிரதமர்:

"உலகமே வியக்கும் வண்ணம் காசி தமிழ் சங்கமம், நம்ம ஊர் திருவிழா போன்ற நிகழ்வுகளின் மூலம் தமிழ் கலாச்சாரத்தை உலகறியச் செய்தவர் நமது பிரதமர் நரேந்திர மோடி அவர்கள்.

தமிழர்களின் வீர விளையாட்டான ஜல்லிக்கட்டு தடையின்றி நடைபெறவும், தமிழ் மொழியின் பெருமையை ஐநா சபை வரை கொண்டு சென்ற பிரதமரின் நல்லாட்சியை நினைவுகூரும் விதமாக, இந்த ஆண்டு பொங்கலை மக்கள் அனைவரும் 'மோடி பொங்கலாக' தங்கள் இல்லங்களில் கொண்டாடி மகிழ வேண்டும்.

விவசாயிகளின் நலன் காக்கும் அரசு:

மத்திய அரசின் 'பிஎம் கிசான்' (PM-Kisan) உள்ளிட்ட பல்வேறு விவசாய நலத்திட்டங்கள் மூலம் தமிழக விவசாயிகள் நேரடியாகப் பயன் பெற்று வருகின்றனர். ஏழை, எளிய மக்களின் வாழ்வாதாரத்தை உயர்த்தி வரும் பிரதமரின் கரங்களை வலுப்படுத்தும் வகையில், இந்த தைத் திருநாளில் மக்கள் அனைவரும் தாமரை கோலமிட்டு, மோடி பொங்கலிட்டு உற்சாகமாக வழிபட வேண்டும்.

நெல்லை வடக்கு மாவட்டத்தைச் சேர்ந்த பாஜக தொண்டர்களும், பொதுமக்களும் மோடி பொங்கல் கொண்டாட்டங்களை சமூக ஊடகங்களில் பதிவிட்டு, இந்த மகிழ்ச்சியை உலகெங்கும் உள்ள தமிழர்களுடன் பகிர்ந்து கொள்ள வேண்டும்.

புதிய இலக்குகளையும், சாதனைகளையும் நோக்கிய இந்தியப் பயணத்தில் இந்த தைத்திருநாள் மக்கள் அனைவருக்கும் சுகத்தையும், நிம்மதியையும், வளமான வாழ்வையும் வழங்கட்டும் என்று மனமார வாழ்த்துகிறேன்."

இவ்வாறு நெல்லை வடக்கு மாவட்ட பாஜக சமூக ஊடகப்பிரிவு தலைவர் ஜெய்சங்கர் தனது வாழ்த்து அறிக்கையில் தெரிவித்துள்ளார்.