நம்பிக்கையோடு பயணிப்போம், வெற்றி நிச்சயம் !! அனைவருக்கும் கிறிஸ்துமஸ் வாழ்த்துக்கள் : த.வெ.க நிர்வாகி பிரதீப்

நெல்லை வடக்கு மாவட்ட த.வெ.க சார்பில் சமத்துவ கிறிஸ்துமஸ் மற்றும் புத்தாண்டு வாழ்த்து - மாவட்ட தொண்டரணி அமைப்பாளர் பிரதீப் அறிக்கை

கிறிஸ்துமஸ் பண்டிகை மற்றும் புத்தாண்டு பிறப்பை முன்னிட்டு, தமிழக வெற்றிக் கழகத்தின் திருநெல்வேலி வடக்கு மாவட்ட தொண்டரணி சார்பில் வாழ்த்துச் செய்தி வெளியிடப்பட்டுள்ளது.

இது குறித்து நெல்லை வடக்கு மாவட்ட தொண்டரணி அமைப்பாளர் பிரதீப் விடுத்துள்ள வாழ்த்துச் செய்தியில் கூறியிருப்பதாவது:

"அன்பு, சமாதானம் மற்றும் சகோதரத்துவத்தைப் போற்றும் இந்த இனிய சமத்துவ கிறிஸ்துமஸ் திருநாளிலும், பிறக்கவிருக்கும் புத்தாண்டு நன்னாளிலும் நமது கழகத் தோழர்கள், தோழிகள் அனைவருக்கும் எனது மனமார்ந்த வாழ்த்துக்களைத் தெரிவித்துக் கொள்கிறேன்.

மேலும், நமக்காகவும் சமூகத்திற்காகவும் அயராது உழைக்கும் காவல்துறை நண்பர்களுக்கும், செய்திகளை மக்களிடம் கொண்டு சேர்க்கும் ஊடகம் மற்றும் பத்திரிக்கைத் துறை நண்பர்களுக்கும் எனது இனிய புத்தாண்டு நல்வாழ்த்துக்களை உரித்தாக்குகிறேன்.

பிறக்கவிருக்கும் புதிய ஆண்டில் மக்கள் வாழ்வில் எல்லா நலன்களும் வளங்களும் பெருகட்டும். 'நல்லதே நடக்கும்.. வெற்றி நிச்சயம்..!!' என்ற நம்பிக்கையோடு நாம் அனைவரும் இணைந்து பயணிப்போம்."

இவ்வாறு அவர் தனது வாழ்த்துச் செய்தியில் குறிப்பிட்டுள்ளார்.