திருப்பரங்குன்றம் மலை மீது தீபம் ஏற்றி வழிபட நீதிமன்றமே அனுமதி வழங்கிய நிலையில் தமிழக அரசுக்கு அதில் என்ன கஷ்டம் ?
மதுரை மாவட்டத்தில் உள்ள அறுபடை வீடுகளில் முதன்மையான திருத்தலமான திருப்பரங்குன்றம் அருள்மிகு சுப்பிரமணிய சுவாமி திருக்கோவிலில், கார்த்திகை தீபத்திருநாளையொட்டி மலைமீது தீபம் ஏற்றி பக்தர்கள் வழிபாடு செய்ய உயர்நீதிமன்ற மதுரைக்கிளை அனுமதி அளித்திருந்தது. இந்த உத்தரவு பக்தர்களிடையே பெரும் மகிழ்ச்சியை ஏற்படுத்திய நிலையில், தமிழக அரசின் இந்து சமய அறநிலையத்துறை (HR&CE) இந்த அனுமதியை எதிர்த்து உச்ச நீதிமன்றத்தில் மேல்முறையீடு செய்திருப்பது ஒட்டுமொத்த ஆன்மீக மக்களையும், பொதுமக்களையும் அதிர்ச்சிக்கு உள்ளாக்கியுள்ளது.
தமிழக அரசின் இந்த நடவடிக்கைக்கு ஆன்மீக அமைப்புகளும், அரசியல் கட்சிகளும் கடும் கண்டனம் தெரிவித்து வருகின்றன. தமிழக அரசின் இந்த முடிவுக்கு நெல்லை மாவட்ட ஆன்மீகம் மற்றும் திருக்கோவில் மேம்பாட்டு பிரிவு மாவட்ட தலைவர் சுப்ரமணியன்@சந்தோஷ் அவர்கள் கடும் கண்டனத்தை தெரிவித்துள்ளார். அவர் தனது கண்டனத்தில், "நீதிமன்றமே அனுமதி அளித்த பிறகும், அதனை எதிர்த்து அரசு மேல்முறையீடு செய்வது, மக்களின் நம்பிக்கையையும், வழிபாட்டு உரிமையையும் கேள்விக்குள்ளாக்குகிறது. இந்து சமய அறநிலையத்துறை, இந்து சமயத்தின் வளர்ச்சிக்காகச் செயல்படாமல், பக்தர்கள் மற்றும் பொதுமக்களின் நம்பிக்கைகளுக்கு எதிராகச் செயல்படுவது வருத்தம் அளிக்கிறது," என்று குறிப்பிட்டுள்ளார்.
பாஜகவின் ஆன்மீகம் மற்றும் திருக்கோவில் மேம்பாட்டு பிரிவைச் சேர்ந்த நிர்வாகிகளும், அரசின் இந்த மேல்முறையீட்டு நடவடிக்கைக்குத் தீவிரமான எதிர்ப்புகளைத் தெரிவித்து வருகின்றனர். மாநில தலைவர் செல்வி தாமோதர், மாநில செயலாளர் எஸ். சங்கர சுப்ரமணியன் உட்பட பல நிர்வாகிகள், "அரசு உடனடியாக தனது மேல்முறையீட்டைத் திரும்பப் பெற வேண்டும். பாரம்பரிய வழிபாட்டு முறைகளுக்கும், மக்களின் உணர்வுகளுக்கும் மதிப்பளித்து, நீதிமன்ற உத்தரவைச் செயல்படுத்த வேண்டும்," என வலியுறுத்தி வருகின்றனர்.
....