தேசிய அளவிலான வளையப்பந்து போட்டி: நெல்லை - மானூர் மாணவர்கள் முதலிடம் மற்றும் இரண்டாம் இடம் பிடித்து சாதனை : உற்சாக வரவேற்பு
தேசிய அளவிலான வளையப்பந்து போட்டி: நெல்லை - மானூர் மாணவர்கள் முதலிடம் மற்றும் இரண்டாம் இடம் பிடித்து சாதனை
கேரள மாநிலம் காசர்கோடு மாவட்டம், திருக்கரிப்பூரில் 37-வது தேசிய அளவிலான சப்-ஜூனியர் வளையப்பந்து (டென்னிகாய்ட்) போட்டிகள் நடைபெற்றன. கடந்த டிசம்பர் 22-ம் தேதி முதல் 26-ம் தேதி வரை ஐந்து நாட்கள் நடைபெற்ற இந்தப் போட்டியில், இந்தியாவின் பல்வேறு மாநிலங்களில் இருந்து 400-க்கும் மேற்பட்ட மாணவ, மாணவிகள் விறுவிறுப்புடன் கலந்து கொண்டனர்.
இந்தப் போட்டியில் தமிழ்நாடு அணியின் சார்பில் பங்கேற்ற நெல்லை மாவட்டம், மானூர் பகுதியைச் சேர்ந்த மாணவர்கள் அபாரமாக விளையாடி பதக்கங்களை வென்றுள்ளனர்:
ஜோயல் (13 வயது): மானூர் வடக்குத் தெருவைச் சேர்ந்த மகாதேவன் என்பவரது மகன். இவர் சப்-ஜூனியர் பிரிவில் இந்திய அளவில் முதலாம் இடம் பிடித்து தங்கக் கோப்பையை வென்றார்.
சுராஜ்கோசன் ஜாய் (14 வயது): மானூர் பகுதியைச் சேர்ந்த முருகன் என்பவரது மகன். இவர் இந்திய அளவில் இரண்டாம் இடம் பிடித்து சாதனை படைத்தார்.
இந்த 37-வது சப்-ஜூனியர் போட்டியில் தமிழக அணி 34-க்கு 26 புள்ளிகள் பெற்று வெற்றி பெற்றது. இதன் மூலம், கடந்த எட்டு வருடங்களாகத் தொடர்ந்து ஒட்டுமொத்த சாம்பியன் பட்டத்தைத் தமிழ்நாடு தக்கவைத்து வருவது குறிப்பிடத்தக்கது.
வெற்றி பெற்ற வீரர்களுக்கு தமிழ்நாடு வளையப்பந்து கழகத்தின் சேர்மன் வேல்முருகன், நிர்வாகிகள் வரதராஜன், சங்கர், அனந்தகிருஷ்ணன் மற்றும் உறுப்பினர்கள் தங்களது பாராட்டுகளைத் தெரிவித்தனர்.
போட்டிகளை முடித்துவிட்டு மானூர் திரும்பிய வெற்றி வீரர்களான ஜோயல் மற்றும் சுராஜ்கோசன் ஜாய் ஆகியோருக்கும், அவர்களுக்குப் பயிற்சியளித்த பயிற்சியாளர் முத்தையா அவர்களுக்கும் ஊர் பொதுமக்கள் மேளதாளங்கள் முழங்க உற்சாக வரவேற்பு அளித்து பாராட்டி மகிழ்ந்தனர்.
தமிழ்நாடு வளையப்பந்து அணியின் வெற்றிக்கு வழிநடத்தி சென்ற தமிழ்நாடு வளையப்பந்து அசோசியேஷன் செயலாளர் திரு.சங்கர் அவர்களுக்கும் மேலும் ஒட்டுமொத்த தமிழ்நாடு அணியின் நிர்வாக குழு உறுப்பினர்கள் அனைவருக்கும் மற்றும் சிறப்பாக இந்த தமிழ்நாடு பயிற்சி முகாமை நடத்திக் கொடுத்த நாமக்கல் TENNIKOIT அசோசியேஷன் விசுவநாதன் சார் அவர்களுக்கும் ,இந்தியன் டீம் கோச் முரளி அவர்களுக்கும் திருநெல்வேலி மாவட்டம் மானூர் வட்டார மக்கள் சார்பாகவும் நன்றியினை தெரிவித்துக் கொண்டார்கள்