கிடுகிடுவென மலரும் ‘தாமரை’! தமிழகத்திலும் ஆட்சி நிச்சயம்: நெல்லை வடக்கு மாவட்ட பட்டியலணி தலைவர் தினேஷ் குமார் !!
வருகின்ற 2026 ஆம் ஆண்டு தமிழகத்தில் பாஜக கூட்டணி நிச்சயம் ஆட்சி அமைக்க பட்டியல் அணி நிர்வாகிகள் சார்பில் நெல்லையில் தேர்தல் பணியாற்ற நிர்வாகிகள் தயாராக இருப்பதாக நெல்லை வடக்கு மாவட்ட பட்டியலணி தலைவர் தினேஷ்குமார் தெரிவித்துள்ளார்.
பீகார், திருவனந்தபுரம் வெற்றியால் அனல் பறக்கும் ஆர்வம்! 2026-ல் டார்கெட் தமிழகம்!!
பிரதமர் நரேந்திர மோடியின் மக்கள் நலத் திட்டங்களுக்கும், வளர்ச்சிப் பணிகளுக்கும் மக்கள் அளிக்கும் பேராதரவு காரணமாக, நாடு முழுவதும் பாரதிய ஜனதா கட்சியின் (பா.ஜ.க.) செல்வாக்கு நாளுக்கு நாள் உயர்ந்து வருகிறது.
இதற்கு சான்றாக, சமீபத்தில் நடைபெற்ற பீகார் சட்டமன்றத் தேர்தலில் தேசிய ஜனநாயகக் கூட்டணி (என்.டி.ஏ) 200க்கும் மேற்பட்ட இடங்களைக் கைப்பற்றி இமாலய வெற்றியுடன் மீண்டும் ஆட்சியமைத்துள்ளது. இதுமட்டுமல்லாமல், கேரள மாநிலத்தின் தலைநகரான திருவனந்தபுரத்திலும், பா.ஜ.க. வரலாற்றுச் சாதனை படைத்து புதியதோர் சகாப்தத்தைத் துவக்கி உள்ளது. இந்தக் கட்டுக் கடங்காத வெற்றி, பா.ஜ.க.வினர் மத்தியில் உற்சாகப் பெருவெள்ளத்தை ஏற்படுத்தியுள்ளது! இதுகுறித்து நெல்லை வடக்கு மாவட்ட பட்டியலணி தலைவர் தினேஷ்குமார் மேலும் கூறுகையில், “இந்த தேசத்தின் எதிர்காலம் பா.ஜ.க.தான் என்பதை பீகார் மக்கள் மீண்டும் நிரூபித்துள்ளனர். திருவனந்தபுரத்திலும் நமது கட்சியின் சாதனை அபரிமிதமானது! இந்த வெற்றிப் பயணம் தொடரும். நாளை, அதாவது வருகின்ற 2026 ஆம் ஆண்டு தமிழக சட்டமன்றத் தேர்தலிலும், பா.ஜ.க. தலைமையிலான தேசிய ஜனநாயகக் கூட்டணி அமோக வெற்றி பெற்று, தமிழகத்தில் மக்கள் ஆட்சி அமைப்பது உறுதி!” என்று முழக்கமிட்டார். பா.ஜ.க.வின் இந்த வெற்றி முழக்கம், தமிழக அரசியல் வட்டாரத்தில் இப்போதே அனலைக் கிளப்பியுள்ளது. தமிழகத்தில் குறிப்பாக தென் மாவட்டங்களில் பாஜகவின் உத்வேகம் அதிக அளவில் காணப்படுகிறது.