தமிழக பாஜக இளைஞரணி மாநில துணைத்தலைவராக வெற்றிவேல் நியமனம்: "தமிழகத்தில் பாஜகவின் வளர்ச்சிக்கு அயராது பாடுபடுவேன்" என உறுதி
மதுரை: மதுரை மேற்கு மாவட்டத்தைச் சேர்ந்த வெற்றிவேல் முருகன் அவர்கள், தமிழக பாஜகவின் மாநில இளைஞரணி துணைத் தலைவராக நியமிக்கப்பட்டுள்ளார். கட்சிக்குள் அவருக்கு அளிக்கப்பட்டுள்ள இந்த முக்கியத்துவம், இளைஞரணியில் அவரது உழைப்பையும் பங்களிப்பையும் எடுத்துக்காட்டுவதாக உள்ளது.
புதிதாகப் பொறுப்பேற்றிருக்கும் வெற்றிவேல் முருகன், தமிழகத்தில் பாரதிய ஜனதா கட்சியின் வளர்ச்சிக்காக அயராது பாடுபடப் போவதாக உறுதி அளித்துள்ளார்.
இது குறித்து தமிழக பாஜக மாநில இளைஞரணி துணைத் தலைவர் வெற்றிவேல், "தமிழகத்தில் பாரதிய ஜனதா கட்சி அமோக வெற்றி பெறும். பீகாரில் பாஜக பெற்றதைப் போன்ற வெற்றியை தமிழகத்திலும் பெறுவதற்குத் தேவையான அனைத்து மக்கள் பணிகளையும் இளைஞரணி நிர்வாகிகளைத் திரட்டித் துவக்கி இருக்கிறோம்," என்று நம்பிக்கை தெரிவித்தார்.
மேலும், மதுரை மேற்கு மாவட்டப் பகுதிகளில் வாக்காளர் தீவிர திருத்தப் பணிகளில் (SIR) இளைஞரணி நிர்வாகிகள் மிகத் தீவிரமாகப் பணியாற்றி வருவதாகவும் அவர் குறிப்பிட்டார்.