வீட்டில் ஒரு ரூபாய் கூட இல்ல ; எதுக்கு இத்தன சிசிடிவி கேமரா வச்சிருக்க வெண்ண : நெல்லையில் திருட சென்ற வீட்டில் கடிதம் எழுதி வைத்து சென்ற திருடன்

திருநெல்வேலி மாவட்டம் பேட்டையில் திருடச் சென்ற ஒரு வீட்டில் எதிர்பார்த்த அளவிற்குப் பணம் இல்லாததால் விரக்தியடைந்த திருடன், வீட்டு உரிமையாளருக்குக் கடிதம் எழுதி வைத்துவிட்டுச் சென்ற சம்பவம் அப்பகுதியில் பரபரப்பை ஏற்படுத்தியுள்ளது.

'திருடன்' எழுதி வைத்த கடிதம்:

பேட்டையில் உள்ள ஒரு மத போதகரின் வீட்டில் திருட வந்த மர்ம நபர், வீட்டில் பணம் ஏதும் கிடைக்காததால் ஏமாற்றமடைந்து, அங்கிருந்த ஒரு பேப்பரில் பின்வரும் வாசகங்களைக் கடிதமாக எழுதி வைத்துச் சென்றுள்ளார்:

"திருட வரும் திருடனுக்கு கொஞ்சம் காசு வச்சுட்டு போங்க :வீட்டுல காசு இல்ல; இத்தனை சிசிடிவி கேமரா எதுக்கு ??"

"இனி என்னைப் போன்று திருட வரும் திருடனுக்கு கொஞ்சமாவது காசு வைத்து விட்டு செல்லுங்கள் இப்படிக்கு திருடன்"

வீட்டு உரிமையாளர் அளித்த புகாரின் பேரில், வீட்டுக்குள் நுழைந்து திருட முயன்று, பின் விரக்தியில் கடிதம் எழுதி வைத்துச் சென்ற வினோத திருடன் குறித்துப் பேட்டை போலீசார் வழக்குப் பதிவு செய்து தீவிர விசாரணை நடத்தி வருகின்றனர்.

சிசிடிவி காட்சிகளின் அடிப்படையில் திருடனைக் கைது செய்ய நடவடிக்கை எடுத்து வருவதாகக் கூறப்படுகிறது.

நெல்லையில் திருட சென்ற வீட்டில் பணம் இல்லாததால் இது போன்று கோபத்தில் கடிதம் எழுதி வைத்து சென்ற வினோத திருடன் குறித்து போலீசார் விசாரணை செய்து வருகிறார்கள். மேலும் தனக்கு தான் பணம் கிடைக்கவில்லை தன்னைப் போன்ற இனி இந்த வீட்டிற்கு வேறு யாராவது திருடர்கள் வந்தால் அவர்களுக்கு கொஞ்சம் பணம் வைத்து செல்லுங்கள் என்று கோரிக்கை கடிதம் குறித்து போலீசார் தீவிர விசாரணை.