தமிழகத்தில் உள்ள மருந்தகம் மற்றும் கடைகளிலும் ORSL என லேபிளை பயன்படுத்தி விற்பனை செய்தால் தமிழக உணவு பாதுகாப்புதுறை மற்றும் தமிழக மருந்து கட்டுப்பாட்டு இயக்கம் உடனடியாக பறிமுதல் செய்து விளக்கம் கேட்டு நோட்டீஸ் வழங்கி நடவடிக்கை எடுக்க தமிழக சுகாதாரத்துறை உத்தரவு.
உலக பொது சுகாதார அமைப்பு (WHO) மற்றும் தேசிய காசநோய் ஆராய்ச்சி நிறுவனம்(ICMR)என அச்சிடப்பட்ட ORS- கள் மட்டுமே தமிழகத்தில் விற்பனை செய்யப்பட வேண்டும்
ORSL, ORSL Plus, ORS Fit என பெயர் அச்சிட்டு மருந்தகத்திலும் மற்றும் கடைகளில் விற்பனை செய்ய தடை விதித்தது தமிழக சுகாதாரத்துறை
ORS என்று சுருக்கமாக அழைக்கப்படும் ஓரல் ரீஹைடிரேஷன் சொல்யூஷன் என்பது வயிற்றுப்போக்கு வாந்தி மற்றும் பிற காரணங்களால் உடலில் இருந்து திரவங்கள் வெளியேறி நீர்ச்சத்து இழப்பு ஏற்படும் போது வழங்கப்படும் முதல் சிகிச்சையாக அமைகிறது
மேலும், ORS-யில் காணப்படும் தண்ணீர், உப்பு, எலக்ட்ரோலைட்டுகள் மற்றும் குளுக்கோஸ் ஆகியவற்றின் கலவை உடல் இழந்த திரவங்கள் மற்றும் மினரல்களை உடனடியாக மீட்டெடுப்பதற்கு உதவுகிறது,இப்படிப்பட்ட ஓஆர்எஸ் பல்வேறு வகையாக உருவெடுத்து விற்பனைக்கு வந்துள்ளது,
பல மருந்தகம் மற்றும் கடைகளில்
ORSL, ORSL Plus, ORS Fit என லேபில்கள் ஒட்டப்பட்டு அது விற்பனை செய்யப்பட்டு வருவதாக கூறப்படுகிறது, இதில் அதிக அளவில் சோடியம், குளுக்கோஸ், அளவு அதிகமாக இருப்பதாக கூறப்பட்டிருக்கிறது
குழந்தைகள் முதல் பெரியவர்கள் வரை வயிற்றுப்போக்கு மற்றும் வாந்தி போன்ற காரணங்களால் எடுத்துக் கொண்டால் இன்னும் தீவிரமடையும் என மருத்துவர்கள் தெரிவித்துள்ள நிலையில்
தமிழகத்தில் இரண்டு தினங்களுக்கு முன்பு மருத்துவத்துறை அமைச்சர் மா.சுப்பிரமணியன் தலைமையில் நடைபெற்ற ஆலோசனைக் கூட்டத்தில் அனைத்து மருந்தகம் மற்றும் கடைகளுக்குச் சென்று ஓஆர்எஸ்எல் என்ற கரைச்சலை விற்பனை செய்தால் உடனடியாக அதை தடை செய்து பறிமுதல் செய்ய வேண்டும், சம்பந்தப்பட்ட உரிமையாளருக்கு நோட்டீஸ் வழங்கி விளக்கம் கேட்டு நடவடிக்கை எடுக்கவும் உத்தரவிடப்பட்டுள்ளது
எனவே மாவட்ட உணவு பாதுகாப்புத்துறை நியமன அலுவலர்கள் அனைத்து மருந்தகம் மற்றும் கடைகளுக்கு சென்று ஆய்வு மேற்கொண்டு ORSL என்ற கரைசல் விற்பனை செய்தால் அதை பறிமுதல் செய்து நடவடிக்கை எடுக்கவும் தமிழக சுகாதாரத்துறை உத்தரவு வழங்கியுள்ளது.