நெல்லை மகளிர் விடியல் பேருந்து பயணத்தில் தே**** ம**** என்ற ஆபாச வார்த்தைகளால் அர்ச்சனை செய்த ஓட்டுநர் : Left, Right விட்ட பெண்

நெல்லையில் மகளிர் விடியல் பயண பேருந்தில் பெண்ணுக்கு ஏற்பட்ட அவலம் :

"ஓசிப்பேருந்து சர்ச்சை - அரசுப் பேருந்து ஓட்டுநர் மீது பெண்கள் புகார், நடவடிக்கை எடுக்கக் கோரிக்கை

திருநெல்வேலியில் அரசுப் பேருந்து ஒன்றின் ஓட்டுநர், பெண் பயணிகளை "ஓசிப்பேருந்து" என இழிவாகவும், ஆபாச வார்த்தைகளைப் பயன்படுத்தியும் பேசி அவமதித்த சம்பவம் அதிர்ச்சியை ஏற்படுத்தியுள்ளது.

 பெண்களை கேவலமாகப் பேசியதோடு மட்டுமல்லாமல், இரவில் உரிய நிறுத்தத்தைத் தாண்டி இறக்கிவிட்டதாகவும் பயணிகள் குற்றம் சாட்டியுள்ளனர்.

திருநெல்வேலி ரயில் நிலையத்தில் இருந்து அரசு சிறப்பு மருத்துவமனைக்குச் செல்லும் தடம் எண் 2-ன் (வண்டி எண்: TN 72 N 2253) அரசுப் பேருந்தில் இச்சம்பவம் நிகழ்ந்துள்ளது. பேருந்தின் ஓட்டுநர், பெண் பயணிகளைப் பார்த்து "ஓசிப்பேருந்து" என்று இழிவாகக் குறிப்பிட்டு பேசியுள்ளார். 

மேலும், அவர் பெண்களைக் கெட்ட வார்த்தைகளால் திட்டி, அவமதித்ததாகவும் புகாரில் தெரிவிக்கப்பட்டுள்ளது.

இதன் தொடர்ச்சியாக, ஓட்டுநர் இரவு நேரத்தில் பேருந்து நிறுத்தங்களைத் தாண்டி பெண்களை நடுவழியில் இறக்கிவிட்டதாகவும் கூறப்படுகிறது. இந்தச் செயலால் அதிர்ச்சியும், மனவேதனையும் அடைந்த பெண் பயணிகள் மற்றும் பொது மக்கள் ஓட்டுநரின் பொறுப்பற்ற செயலுக்கு கடும் கண்டனம் தெரிவித்துள்ளனர்.

பொதுமக்களும், பாதிக்கப்பட்ட பெண் பயணிகளும் தமிழ்நாடு அரசுப் போக்குவரத்துக் கழகத்தின் இந்த ஊழியரின் அத்துமீறிய செயலுக்கு எதிராக உடனடியாக கடுமையான நடவடிக்கை எடுக்க வேண்டும் என வலியுறுத்தியுள்ளனர்.

பெண்களின் பாதுகாப்பையும், கண்ணியத்தையும் உறுதி செய்ய வேண்டிய அரசுப் பேருந்தில் இப்படிப்பட்ட அநாகரிகமான பேச்சு மற்றும் செயல்பாடு கண்டிக்கத்தக்கது என்றும், குற்றமிழைத்த ஓட்டுநர் மீது திருநெல்வேலி மாவட்ட ஆட்சியரும், தமிழக முதல்வர் மு.க. ஸ்டாலினும் தனிப்பட்ட கவனம் செலுத்தி உடனே நடவடிக்கை எடுக்க வேண்டுமென்றும் பொதுமக்கள் சார்பில் கோரிக்கை விடுக்கப்பட்டுள்ளது.

தமிழக அரசு செயல்படுத்தி வரும் மகளிருக்கான இலவசப் பேருந்துப் பயணத் திட்டத்தை (விடியல் பயணம்) இழிவுபடுத்தும் வகையிலும், பெண் பயணிகளின் உணர்வுகளைப் புண்படுத்தும் வகையிலும் செயல்பட்ட இந்த ஓட்டுநர் மீது துறை ரீதியான கடுமையான நடவடிக்கை எடுக்க வேண்டும் என்பதே பொதுமக்களின் எதிர்பார்ப்பாக உள்ளது.