நெல்லை அரசு மருத்துவமனையில் நடைபெற்ற "ENDO QUEST" வினாடி வினா : செங்கல்பட்டு மருத்துவக் கல்லூரி முதல் இடத்தை தட்டி சென்றது

திருநெல்வேலி மருத்துவக் கல்லூரியில் தமிழகத்தின் முதல் குருதியியல் வினாடி வினா : "ENDOQUEST " - சிறப்பாக நடைபெற்றது : செங்கல்பட்டு மருத்துவக் கல்லூரி மாணவர்கள் முதல் பரிசை தட்டி சென்றனர்

  தமிழக மருத்துவக் கல்லூரி வரலாற்றில் முதல் முறையாக, திருநெல்வேலி மருத்துவக் கல்லூரி பொது மருத்துவத் துறை சார்பில், "ENDO QUEST" என்ற பிரம்மாண்டமான குருதியியல் வினாடி வினா (செப் 19 2025 நடைபெற்றது. 

இக்கருத்தரங்கு கல்லூரி தாமிரபரணி கருத்தரங்குக் கூடத்தில் நேற்று காலை 9 மணி முதல் மாலை வரை தொடர்ந்து நடைபெற்றது. 

கல்லூரி முதல்வர் மரு. ரேவதி பாலன் அவர்களின் தலைமையில் நடைபெறும் இந்தக் கருத்தரங்கில், மாநிலம் முழுவதிலுமிருந்து பல்வேறு சிறப்பு குருதியியல் மருத்துவர்கள் கலந்துகொண்டு  சிறப்புரையாற்றினர். 

 சுமார் 500 மருத்துவர்கள் பங்கேற்கும் இக்கருத்தரங்கு, குருதியியல் துறையில் புதிய கண்டுபிடிப்புகள், சிகிச்சை முறைகள் மற்றும் ஆராய்ச்சிகள் குறித்து விரிவாக விவாதிக்கும் ஒரு சிறந்த தளமாக அமைந்ததாக கருத்தரங்கில் கலந்து கொண்ட மருத்துவர்கள் தெரிவித்தனர். 

நிகழ்ச்சியின் முடிவில், பங்கேற்பாளர்களின் புரிதலை சோதிக்கும் வகையில் ஒரு வினாடி வினா நிகழ்ச்சியும் நடத்தப்பட்டது.

குருதியியல் துறையில் நிபுணத்துவம் பெறவும், புதிய அறிவைப் பரிமாறிக் கொள்ளவும் ஆர்வமுள்ள அனைத்து மருத்துவர்களையும், மருத்துவ மாணவர்களையும் இக்கருத்தரங்கில் பங்கேற்று  சிறப்பித்தனர். 

இந்த வரலாற்றுச் சிறப்புமிக்க நிகழ்வு, தமிழக மருத்துவத் துறையில் ஒரு புதிய மைல்கல்லை எட்டும் என்பதில் சந்தேகமில்லை என திருநெல்வேலி அரசு மருத்துவக் கல்லூரி பொது மருத்துவ துறை தலைவர் மருத்துவர் ரத்தினகுமார் தெரிவித்தார். 

இன்று நடைபெற்ற இறுதி நிகழ்வில் சிறப்பு விருந்தினர்களின் உரைகள் மற்றும் மாணவ மாணவிகள் இடையே நடத்தப்பட்ட வினாடி வினா குறித்த போட்டிகளும் நடைபெற்றது. 

இதில் செங்கல்பட்டு மருத்துவ கல்லூரி மாணவ மாணவிகள் முதலிடத்தையும், சென்னை மருத்துவக் கல்லூரி மாணவர்கள் இரண்டாம் இடத்தையும், திருநெல்வேலி மருத்துவக் கல்லூரி மாணவர்கள் மூன்றாம் இடத்தையும் பிடித்தனர்.

வெற்றி பெற்ற மாணவ மாணவிகளுக்கு கேடயமும் பரிசு தொகையும் சான்றிதழ்களும் மருத்துவமனையின் முதல்வர் ரேவதி பலன் மற்றும் துறை தலைவர் ரத்தினகுமார் ஆகியோர் வழங்கினர்.

இந்த நிகழ்ச்சி குறித்து பொது மருத்துவத் துறை தலைவர் ரத்தினகுமார் கூறும்போது :

வருங்காலத்தில் நாட்டின் முதுகெலும்பாக இருக்கக்கூடிய மருத்துவ மாணவர்கள் குருதியியல் குறித்த தகவல்களை மேலும் தெரிந்து கொள்ளும் விதமாகவும் குருதியியல் தொடர்பான சந்தேகங்கள் மற்றும் சிகிச்சை முறைகள் குறித்து இந்த மாநாடு சிறப்பாக அமைந்தது என்றும், தமிழகத்தில் முதல் முதலாக குருதியியல் சார்பாக நடத்தப்பட்ட இந்த கருத்தரங்கு மாநாட்டில் கலந்து கொண்ட அனைத்து மருத்துவ கல்லூரி மாணவ மாணவிகளுக்கும் நன்றியை தெரிவித்துக் கொள்வதாகவும் குறிப்பிட்டார்.